- من الصعب إنو أي واحد غير حجازي يفهم هادي الكلمات..
مِرَسْتَكَه = ... يعني مرة شيء مرتب
مِدَهْمَلْ = ... يعني مبهدل
قوام = ... بسرعة
بلكن = ... يمكن
دحين= ... الآن
مصرفدة = ... مستعجلة
دولا أو دُولْ = ... هؤلاء أو هم
مخمج = ... معفن
وي =... للتعجب
الدحديرة = ... النزلة
الصمرقع = ... الجنان
اشبك = ... ماذا بك
سيبوه =... اتركوه
محزق = ... ضيق
دحلسة = ... تملق وتقرب لأخذ شئ ما
ايشكلو = ... إيش هوا
فزّ = ... أتحرك
أنقزلك بتكسي = ... أستاجر تكسي,
اتشعبط = ... أتسلق
إسمنّو = ... على الأقل
اتاري = لها معنيين الأول: كمبيوتر قديم
والتاني : لما يقولك آآآآآها اتاري الهرجه كداااااا=اثر انه
بحلقت = ... فتحت عيني بقوة
اًتمنىٌ الاسٌتفادْة قدّر الإمكَان لغيرْ الناطقين بالحجازية مـِن الكلّمات هّذي علشان اذا تكلمنا نتفاهم
أمثال مكاوية:
(*) يعزموا الفيران وينسوا الجيران
(*) أمسكوا غنمتكم تيسنا مايجيكم
(*) طبطب و ليس يطلع كويس
(*) أعمى يقول لمكسح قوم نتفسح
(*) اللي ما ينصفني وأنا سامعتهلو مت يوفر دمعته!
(*) لما وزعوا الذوق كان جالس فوق!
(*) غُربة وكربة وهم للركبة
(*) بعد ما أكل واتكا قال ريحة بيتكم مستكا!
(*) مايجي الغنج إلا من الحمير العرج
(*) الكبير لمن يتدلع زي الخشب المخلع
(*) لا تفرحي يا أم الولد بكرا بنتي تكبر وتخرجه برا البلد!
(*) صاجك مايقلي وكفتيرتك ماتغلي وأنا جيتك من قلة عقلي
(*) كنس بيتك ورشو ماتدري مين يخشو
(*) انتهت الزفة وضرب الدفوف وجات الهبلة تقول تبغا تشوف
(*) أهل الجوز أهل جوز حتى لو كانوا سكر ولوز
وعندنا في المدينه نقول
اهل الجوز فرقع لوز
تخيل السعودية من دون الحجاز !؟
فيه مثل يقولك:
البلد بدون اهل الحجاز ... زي الأنبوبة من دون الغاز
تخيلووووو
- مَا في شبكة وملكة وعربية
وهيصه وجسيس ومزمار وينبعاوي وخبيتي
وحبا حبا.
مافي فووول وعدسسس
ماافي رز بخاري ، مافي السليق ۆ المقلقل، ۆالمعصوب ۆ الهريسة
والدبيازة و والمطبق والسمبوسك والبوف
والبريك
والمشروبات : التمر الھندي والسوبيا والكركدية والتوت
والسوقدانه والتطلي
و زبادي الشوربه والتقاطيع
والمنتو والفرموزة والرز البرياني
والمندي والگابلي واللقيمات
والحلاوة اللدو واللبنية
والنارجين وغيرها !
ما حتسمع ( هادي ، إيش بگ ،
إيش دآ ، بلى في شكلگ ،
لا تعافر ، يا واد بلا بھللھ ،
گبووھا ، إيـش اللــي ، يا حرمھ ،
بطّلگ من اللقلقھ ،
إإيوووآ ، بلا لغوصھ في الگلام
جآگ البلا ، حليب جاموس )
ما راح تلقى ناس عالكرويته
برآ البيت ناس إذا مرّت من
عند الواحد رحبوا وهللوا
وياصلاة النبي ولو ما سلمت
يصيييح عليـگ ۆ يقول
آلسلام لله يبووويآ .
أحلى سلام
لساكني : مكة المكرمة و طيبة الطيبة و جدة أهل الرخا والشدة والطايف مجمع الولايف
أسماء الإشارة المكاويه
( هاداكا ¸ هادي ¸ داكا ¸ ديكا ¸ دولي ¸ دولاكا ¸ هناكا ¸ هدولآ ¸ دولآ ) ..
نكبنآ أم اللغة العربية ههههه
وأهم شي لمن أحد يقولگ ¸
جيب الهآدا من فوق الهدآك
إنت سبحان الله تفهم و تجيبه
تحية لأهل مكه دولآكا اللي هناكا ھٓھٓھٓھٓھٓھٓھٓھٓھٓھٓھٓھٓھٓھٓھٓه
